नेपाल निजामती कर्मचारी संगठनद्धारा खेतमै पुगेर किसानलाई सम्मान

तुलसीपुर, १५ असार नेपाल निजामती कर्मचारी संगठन दाङले खेतमै पुगेर किसानलाई सम्मान गरेको छ । २० औ राष्ट्रिय धान दिवसका अवसरमा कर्मचारी संगठनले खेतमै पुगेर कर्मयोगी किसान भिम कुमार सुवेदीलाई सम्मान गरेको हो । संगठनका अध्यक्ष शेरबहादुर केसीको अध्यक्षता एवम लुम्बिनी प्रदेश सांसद सीता चौधरीको प्रमुख आथित्यमा भएको कार्यक्रममा घोराही उपमहानगरपालिका नगर प्रमुख नरुलाल चौधरी, उप्रमुख हुमा डिसी, सुशील वैद्य, वीर बहादुर वली लगायतले शुभकामना मन्तव्य राखेका थिए । सो अवसरमा रोपाई समेत समेत गरिएको थियो । दाङमा पहिलो पटक कर्मचारी संगठनले धानदिवस तथा कर्मचारीलाई सम्मान गरेको हो ।