तुलसीपुर,२० मंसीर । सल्यानमा एक युवकको हत्या आरोपमा पक्राउ परेका दुई महिला माथि अनुसन्धान भइरहेको प्रहरीले बताएको छ । उनिहरु माथि कर्तब्य ज्यान सम्बन्धि मुद्दा दर्ता भई १० दिनको म्याद थप गरी अनुसन्धान भइरहेको जिल्ला प्रहरी कार्यालय सल्यानले जानकारी दिएकोे छ ।
गत मंसीर १० गते शारदा नगरपालिका वडा न.५ गैरागाउँ बस्ने अन्दाजी ३० वर्षीय शेरबहादुर चन्दको बाँसघारीमा आधा शरीर जलेको अवस्थामा शव भेटिएको थियो । उक्त घटनाको आशंकामा दुई जना महिलालाई प्रहरीले नियन्त्रणमा लिएको थियो । पक्राउ पर्नेमा सोहि ठाउँ निवासी भाउजु नाता पर्ने २५ वर्षीया लक्ष्मी चन्द र २६ वर्षीया राधा पौडेल रहेका छन । उनिहरु माथि म्याद थप गरेर अनुसन्धान जारी रहेको प्रहरीले बताएको छ ।
प्रकाशित मिति : २०७८ मङ्सिर २० गते सोमवार
