फाईल फोटो
तुलसीपुर,२८ पुस । माघि पर्व नजिकिदै गर्दा दाङका थारु समुदायका बस्ती माघिमय बन्दै गएका छन् । थारुहरुको सबैभन्दा ठूलो पर्व माघ नजिकिएको छ । जस्ले गर्दा थारु समुदायका विभिन्न बस्ती यतीबेला माघिमय बन्दै गएको हो । थारु समुदायका महिलाहरु अहिले घर लिपपोतका साथै ढिक्री,रोटी तयार गर्नमा व्यस्त रहेका छन् भने पुरुषहरु माघका लागि मासुको जोहो गर्न जुटेका छन् ।
नयाँवर्षको रुपमा उल्लासका साथ मनाइने माघी पर्व आउन दुई दिन मात्र बाँकी रहदा चहलपहल थारु बस्तीमा बढेको छ । माघी थारु समुदायको विषेश पर्व भएकाले हर्ष उल्लासका साथ मनाउने तयारी गरिएको छ । माघीमा आफन्त आउने भएको हुनाले उनीहरुको सत्कारका लागि सम्पुर्ण तयारी पुरा भएको छ । पछिल्लो समय कोरोना संक्रमण दर बढदै गएपछि थारु बस्तीमा हुने माघी महोत्सव कार्यक्रम,सभा सम्मेलन लगाएत भने स्थिगित भएका छन ।
प्रकाशित मिति : २०७८ पुष २८ गते बुधवार
