तुलसीपुरमा युवति मृत फेला

तुलसीपुर ८ फागुन तुलसीपुरमा एक युवति मृत अवस्थामा भेटिएकी छन् । तुलसीपुर उपमहानगरपालिका – ९ थर्कुडाडाँ स्थित नवदुर्गा सामुदायिक वनको जंगलमा २०÷२१ बर्षको देखि युवति मृत अवस्थामा भेटिएको इलाका प्रहरी कार्यालय तुलसीपुरका प्रहरी नायव उपरीक्षक प्रेमबहादुर शाहीले जानकारी दिए । रातो ज्याकेट, फिक्का रङको कुर्ता, जिन्स पैन्ट लगाएकी युवतिको नाम र ठेगाना भने खुल्न सकेको छैन् । मृतक युवतिको नजिकै किट नासक औषधीको सिसी फेला परेकाले घटनाका सम्बन्धमा अनुसन्धान भइरहेको प्रहरीे बताएको छ ।