दाङमा भरुवा बन्दुक सहित एक जना पक्राउ

  तुलसीपुर, १ भदौ । दाङमा भरुवा बन्दुक सहित एक जना पक्राउ परेको प्रहरीले जनाएको छ । गढवा गाउँपालिका–३ भैँसीकुटीका चुन्नु भन्ने राजाबाबु बुढामगरलाई पक्राउ गरिएको जिल्ला प्रहरी कार्यालय दाङले जनाएको छ । गोबरडियाबाट खटिएको प्रहरी गस्ती टोलीले चेक जाँच गर्ने क्रममा बोरामा बेरी १ नाले भरुवा बन्दुक लिई वन तर्फ जाँदै गरेको अवस्थामा बुढामगरलाई बन्दुक सहित पक्राउ गरिएको जिल्ला प्रहरी कार्यालय दाङका प्रवक्ता तथा डिएसपी रामप्रसाद तिमल्सिनाले जानकारी दिनुभयो । पक्राउ परेका चुुन्नुमाथी थप अनुसन्धान भइरहेको प्रहरीले जनाएको छ ।।