सुनको भाउ आज पनि बढ्यो, चाँदीको घट्यो

काठमाण्डौं,१० कात्तिक । आज सुनको भाउ बढेको छ भने चाँदीको घटेको छ । आज सुनको भाउ ८ सय रुपैयाँले बढेर तोलाको २ लाख ८२ हजार ३०० रुपैयाँ पुगेको नेपाल सुनचाँदी व्यवसायी महासंघले जनाएको छ । हिजो सोमबार तोलामा ३ हजार रुपैयाँले बढेको थियो ।

त्यस्तै, आज चाँदीको भाउ तोलामा २५ रुपैयाँले घटेको छ । हिजो तोलाको ३ हजार ९९५ रुपैयाँमा कारोबार भएकोमा आज घटेर ३ हजार ९७० रुपैयाँमा कारोबार भैरहेको महासंघले जनाएको छ । ।