मिना बुढाथोकी,सल्यान २ जेठ ।
सल्यान दार्मा गाँउपालिकाको फारुलामा दुई दिने निशुल्क स्वास्थ्य सिविर सम्पन्न भएको छ । शिविरमा सस्थ्य परिक्षण गराउन आएकी दार्मा गाँएपालिका –२ निवासी ५८ वर्षीया पुतली विकले यस शिविरमा जाँच गराउन पाँउदा निकै सजिलो महसुस भएको बताईन् ।
दुई दिन सम्म चलेको सो स्वास्थ्य शिविरमा पुतली विक जस्तै पाठेघरको समस्या भएका र महिलामा हुने अन्य विभिन्न खाले स्वास्थ्य समस्या भएका ५ सय ६१ जना महिलाले स्वास्थ्य जाँच गराए जसमध्ये ५सय १० जनाले स्वास्थय उपचार पाएको ओरेक नेपालका जिल्ला संयोजक अशोक चौधरीले बताए ।
साथै १८ जना महिलालाई जिल्ला अस्पताल सल्यान, दाँग तथा नेपालगन्ज मा अप्रेसनका लागी रिफर गरिएको उनले बताए । शिविरमा महिलाहरुमा देखिने पाठेघर सम्बन्धीका विभिन्न खाले समस्याको उपचार तथा परामर्श दिएको उपचारमा संलग्न जिल्ला स्वास्थ्य कार्यालयका डाक्टर सविता घिमिरेले बताईन् ।
यसै गरि महिलाहरुमा हुने अन्य रोगको बारेमा पनि जानकारी गराइएकोे अन्चल अस्पताल तुलसीपुरका स्त्री रोग विशेषज्ञ डाक्टर विनोद सिंहले बताए ।
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।