तुलसीपुर २८ वैशाख । प्रधान सेनापति राष्ट्रिय टेनिस प्रतियोगिता आजदेखि सुरु भएको छ । १३ वटा ईभेन्टमा प्रतिष्पर्धा हुने यस प्रतियोगितामा १५ वटा क्लबको सहभागिता रहेको छ । नेपाली सेनाको आयोजना तथा नेपाल टेनिस संघको प्राविधिक सहयोगमा सरु भएको प्रतियोगितको बलाधिकृत रथी सरोज प्रताप राणाले समुद्घाटन गर्नु भएको हो ।
नेपालमा टेनिस खेलको विकासमा सहयोग पुर्याउने उद्देश्यका संचालित प्रतियोगिता जेठ ५ गतेसम्म जङ्गी अड्डास्थित टेनिस कोर्ट तथा दशरथ रंगशालास्थित टेनिस कोर्टमा सञ्चालन हुने छ । यस प्रतियोगितामा खुल्लातर्फ पुरुष एकल, महिला एकल र मिक्स युगल, भेट्रान्सतर्फ ३५ वर्ष माथि एकल र युगल, ४५ वर्ष माथि एकल र युगल, ५५ वर्ष माथि एकल र युगल, ६५ र ७० वर्ष माथि एकल तर्फ पुरुष एकल र युगल विधाहरु समावेश गरिएको छ ।
प्रकाशित मिति : २०८० बैशाख २८ गते बिहिवार
