जिप दुर्घटनामा दुई जनाको मृत्यु

बैतडी, १२ माघ ।  बैतडीमा जिप दुर्घटना हुँदा दुई जनाको मृत्यु भएको छ । यस्तै ४ जना घाईते भएका छन् । सिगास गाउँपालिका १ मा सुपप्र ०१–००१ च ४०२८ नम्बरको जिप दुर्घटना हुँदा सिगास १ की १४ वर्षीया जयन्ती धामी र १९ वर्षीया पार्वती धामीको मृत्यु भएको हो । दुवै जनाको डडेल्धुरा अस्पतालमा उपचारका क्रममा मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिनुभयो ।

घाईते हुनेमा ४० वर्षीया तुलसी धामी, १६ वर्षीया निरा धामी, १८ वर्षीया कमला धामी र १४ वर्षीया धौली धामी रहेका छन् । उनिहरुको अवस्था गम्भीर घाइते रहेको रे डडेल्धुरा अस्पतालमा उपचार भइरहेको पाण्डेयले जानकारी दिनुभयो । जिप चालक फरार रहेको र उनको खोजी भइरहेको पाण्डेले बताउनुभयो। जिप सडकबाट करिब सात सय मिटर तल खसेको छ ।।