तुलसीपुर, ८ माघ । रोल्पामा बसको ठक्करबाट एकजना पैदलयात्रीको मृत्यु भएको छ । मृत्यु हुनेमा जिल्लाको रुन्टीगढी गाउँपालिका –७ बलबाङ निवासी ७५ वर्षकी मनबुझा बिक रहेको जिल्ला प्रहरी कार्यालय रोल्पाका प्रहरी निरीक्षक विजय चापागाँईले जानकारी दिनुभयो ।
दाङको घोराहीबाट रोल्पाको डुब्रिङका लागि छुटेको रा१ख २३५६ नम्बरको बसले भित्री सडकको कानकुटेडाँडामा मनबुझालाई पौने ५ बजे ठक्कर दिएको थियो । घटना लगत्तै फरार रहेका चालक र सहचालकको खोजी कार्य जारी रहेको प्रहरी निरीक्षक चापागाँईले जानकारी दिनुभयो । शव र बस घटनास्थलमा रहेको प्रहरीले जनाएको छ ।
प्रकाशित मिति : २०८१ माघ ८ गते मङ्गलवार
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।