तुलसीपुरमा कुवामा डुबेर एकजनाको मृत्यु

तुलसीपुर, ४ कात्तिक ।  दाङको तुलसीपुरमा कुवामा डुबेर एकजनाको मृत्यु भएको छ । मृत्यु हुनेमा तुलसीपुर–२ कुमलगडी निवासी २९ वर्षीय रजमान चौधरी रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभयो ।

उहाँका अनुसार चौधरी आफ्नै घरको कुवामा डुडेको अवस्थामा मृतककी भाउँजु आँसी चौधरीले आज बिहान पौने ७ बजेको समयमा देखेपछी प्रहरीलाई खबर गर्नुभएको हो । घटनाको जानकारी पाएलगत्तै विपद व्यवस्थापनको टोली प्रहरी घटनास्थलमा पुगी चौधरीको शव कुवाबाट निकालेको हो । मृतक चौधरी गत असोज ३० गतेदेखी घरबाट हराइरहेको बुझिएको प्रहरीले जनाएको छ ।।