दाङमा बस दुर्घटना हुँदा २३ जना घाइते

तुलसीपुर,१६ जेठ । दाङमा यात्रुबाहक बस दुर्घटना हुँदा २३ जना यात्रु घाइते भएका छन् । गढवा–कोइलाबास सडकखण्डमा भारतीय सीमावर्ती गाउँ कोइलाबासबाट लमही आउँदै गरेको रा १ ख ८३३ नम्बरको बस दुर्घटना हुँदा २३ जना घाइते भएको जिल्ला प्रहरी कार्यालय दाङले जनाएको छ । प्रहरीका अनुसार बस गढवा गाउँपालिका ५ चिसापानीमा दुर्घटना भएको हो ।

घाइते सबैको अवस्था सामान्य नै रहेको जिल्ला प्रहरी कार्यालय दाङका प्रमुख जनक बहादुर मल्लले जानकारी दिनुभयो छ । अहिले घाइतेहरु सबै लमही अस्पतालमा रहेको र दुर्घटनाबारे थप अनुसन्धान भैरहेको उहाँले बताउनु भयो ।।