फाइल फोटो
तुलसीपुर,३२ असार । दाङमा गोठ ढलेर एक वालिकाको मृत्यु भएको छ ।
मृत्यु हुनेमा घोराही उपमहानगरपालिका ९ पर्सेनी बस्ने इन्द्रहिन मियाँकी २ वर्षीया छोरी कविता खाँतुन रहेको जिल्ला प्रहरी कार्यालय दाङले जानकारी दिएको छ । शनिबार बिहान साढे ८ बजे गोठ ढल्दा चोट लागेर गम्भीर घाइते भएकी बालिकाको उपचारका लागि लैजाने क्रममा बाटोमा मृत्यु भएको जिल्ला प्रहरी कार्यालय दाङका प्रहरी नायव उपरीक्षक मुकुन्द प्रसाद रिजालले जानकारी दिनुभयो ।
बालिकाको शव पोष्टमार्ट गर्नलाई राप्ती स्वास्थ्य विज्ञान प्रतिष्ठान घोराहीको शव गृहमा राखिएको प्रहरी नायव उपरीक्षक रिजालले जानकारी दिनुभयो ।
प्रकाशित मिति : २०७९ असार ३२ गते शनिवार
