तुलसीपुरका एक बालकको राप्ती नदीमा डुबेर मृत्यु

दाङ,२४ कात्तिक । दाङको देउखुरीस्थित राप्ती नदीमा डुबेर एक बालकको मृत्यु भएको छ । तुलसीपुर उपमहानगरपालिका–६ गोलौरा निवासी खडक सिंह डाँगीका ६ वर्षीय छोरा किशन डाँगीको नदीमा नुहाउनेक्रममा डुबेर मृत्यु भएको जिल्ला प्रहरी कार्यालय दाङले जानकारी दिएको छ ।

राजपुर गाउँपालिका–७ हाटबासस्थित मामाको घरमा गएका बेला उनी राप्ती नदीमा नुहाउन गएका थिए । नदीमा डुबेर अचेत भएका बालकलाई लमही अस्पताल पु¥याएलगत्तै चिकित्सकले उनलाई मृत घोषणा गरेका थिए ।