हात्तिपाईले रोग विरुद्धको औषधी आज पनि खुवाईने

तुलसीपुर,१३ फागुन ।
दाङमा हिजोदेखी हात्तिपाईले रोग विरुद्धको औषधी खुवाउन सुरु गरीएको छ । यो क्रम आज र भोली सम्म चल्ने जिल्ला जनस्वास्थ्य कार्यालय दाङले जनाएको छ । जिल्ला जनस्वास्थ्य कार्यालय दाङका मलेरिया निरीक्षक कमल चन्दका अनुसार आज र भोली घर घरमा औषधि खुवाउने कार्यक्रम रहेको छ ।

हिजो पहिलो दिन टोल केन्द्रहरु बाट औषधि खवाइएको थियो । दाङ सहित २४ जिल्लामा औषधि खुवाउन थालिएको हो । यता तुलसीपुर उपमहानगरपालिका मेयर घनस्याम पाण्डेबाट हात्तिपाईले रोग विरुद्धको औषधि खाएर कार्यक्रमको उद्घाटन गरिएको छ ।