नाकाबासीको प्रश्नः छिटो छरितो उपचार कहिले पाउँछौं ?

खबरीनाका, ६ मंसिर / दाङको गढवा गाउँपालिका वडा नम्बर ८ खबरीनाका निवासी चन्द्रबहादुर बुढलाई गतवर्ष वर्षायामको समयमा गराइच सर्पले डस्यो । सर्पले डसेपछि बुढाको स्वास्थ्य अवस्था निकै गम्भीर भयो । शरिरमा निलो डाम बस्यो । समयमै उपचार गराउ नेपाल तर्फ लैजाने बाटो छैन ।

स्थानीय गाउँलेहरूको सहायतामा डोकामा बोकी बुढालाई करिब दुईघण्टा पैदल हिडेर वनकोबाटो हुदै उपचारको लागि भारतको तुलसिपुर लगियो । तुलसिपुरमा पनि बुढाले राम्रोसँग उपचार नपाएपछि भारतको बलरामपुरमा लगिएको हो । तुलसिपुरमा सर्पले डसेको औषधी नभएको कारण बुढालाइ थप उपचारको लागि भारतको बलरामपुर लगिएको हो । यो त खबरीनाका निवासी बुढाको एउटा उदाहरण मात्रै हो । यस्ता सर्पको टोकाइबाट प्रत्येक वर्ष कैयौं नाकाबासीले समयमा उपचार नपाउदा अनिकालमा ज्यान गुमाउनु परेको छ । ‘चार घण्टामा उपचार हुने बेला चार दिन उपचारको लागि भारत बस्नुप¥यो । थोरै पैसामा उपचार हुनेमा धेरै पैसा खर्च गरेर सर्पले डसेको उपचार गराउने बाध्यता खेप्नुपरेको, गढवा गाउँपालिका वडा नम्बर ८ खबरीनाका निवासी चन्द्रबहादुर बुढाले बताउनुभयो । ‘उपचारको लागि नेपाल जाने बाटो नभए कै कारण सामान्य उपचारको लागि भारत जानुपर्ने बाध्यता हामी नाकाबासीको हो ।

विरामीको अवस्था हेरेर उपचार गर्नुपर्ने बाध्यता नाकाबासीलाइ रहेको छ, बुढाले भन्नुभयो । शहर बजारमा जस्तै छिटो छरितो उपचार कहिले पाउँछौं हामि नाकाबासीले, उहाँले प्रश्न गर्नुभयो,–। ‘खबरी नाका देखि कोइलाबास ८ किलोमिटर रहेको छ । नयाँ ट्र¥याक खोलेको बाटो छ । हिउँदमा बाटो राम्रो हुन्छ वर्षायामको झरिले बाटो चिरा चिरा पार्छ । गतिलो बाटो नहुदा स्वास्थ्य उपचार लगायत अन्य आधाभुरत सेवा लिन बञ्चित परेको छाँै ।’

आफ्नै भुमि नेपाल जाने गतिलो बाटो नहुदा भारतको तुलसिपुर र बालापुर स्वास्थ्य उपचार गर्ने जान्छौ । बालापुर सम्म पैदल यात्रा गरेर निजि अस्पतालमा केही स्वास्थ्य सेवा लिन्छौं र थप उपचारको लागि तुलसिपुर जाने बाध्यता छ, बुढाले भन्नुभयो,–। ‘विस्तारै हिन्न सक्ने वा विरामीको अवस्था हेरेर गढवा र लमही उपचारको लागि जान्छौं नत्र सामान्य उपचारको लागी भारतनै हो जाने । सामान्य विरामीले उपचार पाउन पनि तीन सम्म कुरेर लाइनमा बस्नुपर्ने बाध्यता रहेको छ । त्सपछि बल्ल घर फर्किने हो ।’

यता गतवर्षको वडाको दशलाख बजेटमा कोइलाबास देखि खबरीनाका जोड्ने सडकमा कच्बे, ड्राइवाल, बाटो कटिङ गरिएको हो । उक्त सडकको बाटोको डि.पि.आर गर्ने तयारी भइरहेको गढवा गाउँपालिका वडा नम्बर ८ का वडाध्यक्ष सद्दाम सिद्दिकिले जानकारी दिनुभयो । उहाँले भन्नुभयो,–। ‘नाकामा बाटो विस्तारको लागि दिर्घकालिन योजना बनाएका छौँ । हामिले गाउँपालिका, प्रदेश र संघिय सरकारलाई यस क्षेत्रको बाटो विस्तार गर्ने पटकपटक ध्यानाकर्षण गराएका छौँ ।’ यसवर्ष थप बाटो मर्मतको लागि वडाबाट दुईलाख बजेट विनियोजित वडध्यक्ष सिद्दिकसले बताउनुभयो ।।