दंगीशरण २८ असोज । दंगीशरण गाउँपालिका वडा नम्वर ७ ले किसानहरुका लागि हिउँदे घासँ वितरण गरेको छ । किसानहरुको माग अनुरुप वडा कार्यालयले हिउँदे वर्षिम घासँको विउँ वितरण गरेको वडा अध्यक्ष विर बहादुर वलीले जानकारी दिए । वडाका किसानहरुलाई राहत पुगोस भन्ने उद्धेश्यले वडा कार्यालयले हिउँदे घासँ वितरण कार्यक्रम संचालन गरेको हो ।
वडा कार्यालयले ब्यवसायीक रुपमा दर्ता गरेको फर्म र १ सय ४९ जना पशुपालक कृषकहरुलाई वितरण गरेको वडा सचिव दिपक केसीले जानकारी दिए । समयमै हिउँदे घासँको विउँ पाएपछि वडाका किसान खुसी भएका छन् । केहि समय अघि पशु शाखाले ७ वटै वडाका ब्यवसायीक रुपमा दर्ता गरेको फर्म, पशुपालन समूह र अन्य पशुपालक कृषकहरुलाई हिउँदे वर्षिम घासँको विउँ वितरण गरेको थियो ।
प्रकाशित मिति : २०७७ असोज २८ गते बुधवार
