भाटभटेनीमा चार जनाको शव फेला

काठमाडौँ – धरानको भाटभटेनी सुपरमार्केटमा चार जनाको शव फेला परेको छ । जेन–जी आन्दोलनका क्रममा आगजनी गरिएको भाटभटेनीमा चार जनाको शव फेला परेको प्रहरीले जानकारी दिएको छ। भदौ २४ गते जेन–जी आन्दोलनकारीहरूले भाटभटेनीमा आगजनी गरेका थिए।

आगजनी र लुटपाटमा संलग्न चार जनाको जलेर मृत्यु भएको प्रहरीको भनाइ छ । प्रहरीका अनुसार दोस्रो तलामा एक जनाको र चौथो तलामा तीन जनाको शव फेला परेको हो। शव जलेर नष्ट भएको र शरीरका केही अंग मात्रै भेटिएको प्रहरीले जनाएको छ। प्रदर्शनकारीहरूले भाटभटेनीको सटर फोडेर पेट्रोल खन्याएर आगो लगाएका थिए। आगो तीव्र गतिमा फैलिँदा उनीहरू बाहिर निस्कन नपाउँदा जलेर मृत्यु भएको हो।