दाङ, ६ भदौ । दाङको तुलसीपुर उपमहानगरपालिका–११, सुकौरामा एक बालकको खोलामा डुबेर मृत्यु भएको छ । स्थानीय ललिता चौधरीका ६ वर्षीय छोरा रमेश चौधरी घर नजिकै रहेको डुरे खोलामा नुहाउने क्रममा शुक्रबार साँझ करिब ५ः३० बजेतिर डुबेर अचेत भएका थिए ।
तत्काल उद्धार गरी उपचारका लागि राप्ती प्रादेशिक अस्पताल तुलसीपुर ल्याइएकोमा चिकित्सकले साँझ करिब ६ः३० बजे मृत घोषणा गरेका जिल्ला प्रहरी कार्यालय दाङले जनाएको छ । घटनास्थलमा प्रहरीले प्रहरी चौकी जसपुर दाङका प्रहरी नायब निरीक्षक एक बहादुर खड्काको कमाण्डमा र इलाका प्रहरी कार्यालय तुलसीपुर दाङका प्रहरी निरीक्षक विनोद राज खत्रीको नेतृत्वमा टोली खटाएको जनाएको छ । बालकको शव हाल राप्ती प्रादेशिक अस्पतालको शव गृहमा राखिएको छ ।
प्रकाशित मिति : २०८२ भाद्र ६ गते शुक्रवार
