बुवाको पुण्य तिथिमा मानवसेवा आश्रममा भोजन

तुलसीपुर, ७ असोज । तुलसीपुर खानेपानी उपभोक्ता तथा सरसफाइ समितिका सचिव शेवक राम भण्डारीले मानवसेवा आश्रममा पुगेर भोजन सेवा गर्नु भएको छ । स्वर्गीय बुवा डण्डपानी भण्डारीको पुण्य तिथिको अवसरमा आश्रममा बस्दै आएका साहरा बिहिन ६० जनालाई  साँझको भोजन गराउँनु भएको हो । पुजनीय बुवाको पुण्य तिथिको अवसरमा मानवरूपी देवतालाई एकदिन खाना खुवाउने अवसर दिएकोमा मानवसेवा आश्रमलाई धन्यवाद  समेत दिनुभएको थियो ।