पाकिस्तानमा भएको आक्रमणमा ८ सैनिकको मृत्यु

काठमाडौं, ४ मंसिर ।  उत्तर–पश्चिम पाकिस्तानमा भएको आक्रमणमा परी आठ जना सैनिकको मृत्यु भएको छ । आक्रमणमा आठ जना सैनिकको मृत्यु हुनुका साथै सात जना प्रहरी अपहरणमा परेको प्रहरी तथा गुप्तचर अधिकारीलाई उद्धृत गर्दै अन्तर्राष्ट्रिय समाचार संस्था एएफपीले जनाएको छ ।

खैबर–पख्तुनख्वा प्रान्तको तिराह क्षेत्रमा भएको झडपमा नौ जना आतङ्कवादी पनि मारिएका छन् । पाकिस्तानी तालिबान (टीटीपी) ले यो घटनाको जिम्मेवारी लिएको खबरमा उल्लेख छ । अधिकारीका अनुसार आक्रमणकारीहरूले अधिकारीहरूका हातहतियार पनि जफत गरेका छन् ।।