तुलसीपुर, २२ असोज । दाङको तुलसीपुरमा रहेको सामुदायिक रेडियो प्रकृति एफएमको १४ औं वार्षिकोत्सवको अवसरमा विभिन्न व्यक्तिहरुलाई सम्मान गरिएको छ । प्राकृतिक श्रोत व्यवस्थापन समाज नेपालद्धारा संचालित रेडियो प्रकृतिको स्थापना भएको १४ वर्ष पुगेर १५ औँ वर्षमा प्रवेश गरेको अवसरमा प्रेस स्वतन्त्र सेनानी टिकाराम रेग्मीलाई सम्मान गरिएकाे छ । दशकाैदेखि कठिन परिस्थितीमा पनि आम नागरिकलाई सुसूचित गर्दै पत्रकारिता क्षेत्रकाे विकासमा महत्वपूर्ण याेगदान पुर्याएकाे भन्दै सम्मान गरिएकाे हाे ।
समाचार प्रमुख निता चाैधरी
त्यैगरी समाचार सम्पादक र प्राविधिक सहायककाे भूमिकामा रहेर रेडियाेकाे श्रीवृद्धिमा महत्वपूर्ण याेगदा पुर्याउने समाचार प्रमुख निता चौधरी र प्राविधिक सहायक रोमा पुनलाई पुरस्कृत गरिएकाे थियाे । त्यस्तै रेडियोलाई निरन्तर विज्ञापन उपलब्ध गराइ सहयोग गर्ने विज्ञापनदाता चिनारी हस्पिटल प्रालि तुलसीपुरलाई सम्मान गरिएको छ ।
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।