राप्ती सोनारीको टिकुलीपुरमा भिषण आगलागी

तुलसीपुर,२ वैशाख । बाँकेको राप्ती सोनारी गाउँपालिका २ टिकुलीपुरमा भिषण आगलागी भएको छ । शुक्रवार दिउँसो करिब तीन बजे देखि लागेको आगोबाट १२ वटा घर पुर्णरुपमा जलेर नष्ट भएको जिल्ला प्रहरी कार्यालय बाँकेले जनाएको छ । प्रहरीका अनुसार अहिले आगलागी नियन्त्रणका लागि कोहलपुर नगरपालिकाको दमकल, एउटा पानी ट्यांकर, सुरक्षाकर्मी तथा स्थानीयहरु लागिपरेको प्रहरीले बताएको छ । आगलागी नियन्त्रणको लागि नेपालगन्जबाट दुई वटा दमकल समेत मगाएको र आगलागी बारे बिवरण आउन बाँकी रहेको प्रहरीले जानकारी दिएको छ ।।