तुलसीपुर, ८ श्रावन । दाङको तुलसीपुरमा सर्पको टोकाईबाट एक बालिका गम्भिर विरामी परेको प्रहरीले जनाएको छ । सर्पको टोकाईबाट तुलसीपुर–१२ कौवापुर निवासी लक्ष्मी चन्दकी ३ वर्षीया छोरी सृजना चन्द गम्भिर विरामी परेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभयो ।
प्रहरीका अनुसार आज बेलुका ६ बजेको समयमा आफ्नै घरमा सुतिरहेको अवस्थामा नाम नखुलेको सर्पले उनलाई टोकेको हो । बालिकाको अहिले राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ ।।
प्रकाशित मिति : २०८१ साउन ८ गते मङ्गलवार
