तुलसीपुरका कृषकलाई पचास प्रतिशत अनुदानमा २१ क्वीन्टल तोरीको विउ वितरण

तुलसीपुर, ७ असोज । तुलसीपुरमा सोमवार र मंगलवार गरी किसानलाई २१ क्वीन्टल तोरीको विउ वितरण गरिएको छ । तुलसीपुर उपमहानगरपालिका कृषि विकास शाखा कार्यालयले सोमवार देखी किसानहरुलाई पचास प्रतिशत अनुदानमा उन्नती तोरीको विउ वितरण सुरु गरेको थियो । कार्यालयका कृषि अधिकृत कुलराज चौधरीका अनुसार कृषक र कृषक समुह गरी २५९ जनालाई तोरीको विउ वितरण गरिएको हो । किसानलाई चाहिने तोरीको विउका लागी गएको भदौ महिनामा किसानहरुबाट निवेदन माग गरिएको थियो ।किसानहरुलाई कार्यालयबाटै तोरीको विउ वितरण गरिएको हो । तोरी छर्ने सिजन भएकाले तोरीको विउ वितरण गरिएको र अब फेरी गहुँको विउ पनि पचास प्रतिशत अनुदानमा वितरण गर्ने योजना रहेको कार्यालयले बताएको छ ।