बन्दले समाज पछाडी धेकेल्छ : मुख्यमन्त्री

तुलसीपुर, ३० फागनु ५ नं. प्रदेशका मुख्यमन्त्री शंकर पोख्रेलले क्रान्तकारीका नाममा गरिने बन्दले समाजलाई पछाडी धकेल्ने बताउनुभयो । विश्व मृगौला दिवसका अवसरमा तुलसीपुर उपमहागनरपालिकाले तुलसीपुरमा आयोजना गरेको नसर्ने रोग सम्बन्धी अन्तरक्रिया कार्यक्रमलाई सम्बोधन गर्दै मुख्य मन्त्री पोखरेलले बन्द गरेर बहादुरी गरीरहेका छौं भन्दैगर्दा नागरिकले स्वस्थ जीवन, बाँच्न पाउने अधिकार, सामाजिक सुरक्षा र स्वतन्त्रपूर्व हिडडुल गर्ने अधिकार गुमाएको बतानुभयो । ‘एकातिर वृहत निशुल्क स्वास्थ्य शिविर छ । अर्कोतर्फ बन्द हाब्हान छ । कुनै नागरिक बिरामी भयो भने बन्दका कारण समयमै अस्पतालमा पुग्न सक्दैन र अकालमा ज्यान गुमाउछ ,’ मुख्य मन्त्री पोखरेलले भन्नुभयो– यस्तो प्रकृतिको कार्यले नागरिकको जनजीवनलाई प्रभावित पार्नेेदेखि राज्यको आम्दानी समेत घटाउछ अनि बन्दलाई उनिहरु समाजका लागि क्रान्तिकारी बलिदान सम्झीन्छन् ।’ बन्दलाई राज्यको टाउको दुखाईको रुपमा मात्र नबुझन आग्रह गर्दै मुख्यमन्त्री पोखरेलले सबैको साझा समस्या भएकाले यसका विरुद्ध सबै लाग्नु पर्ने बताउनुभयो । दाङ, नेपालगंज र बुटवका प्रादेशिक अस्पतालाई सुविधा सम्पन्न अस्पतालका रुपमा विकास गर्ने सोचमा प्रदेश सरकार अघि बढेको भन्दै मुख्यमन्त्री पोखरेलले कुन अस्पतलाई कुन सेवाको सेन्टर बनाउन सकिन्छ भन्ने विषयमा प्रस्ताव लिएर आए छलफल गर्न तयार रहेको बताउनुभयो । हुनेखाने व्यक्तिले छानेर अस्पतालमा उपचार गरे पनि निम्न बर्गले अझै पनि उच्च स्तरीय सेवा पाउन नसकेको उहाँले बताउनुभयो । राप्ती प्रादेशिक अस्पाल तुलसीपुरमा मृगौल रोगका लागि विशेषज्ञ सहितको सेवा संचालनका लागि प्रस्ताव लिएर आएमा प्रदेश सरकार सहयोग गर्न तयार रहेको पनि मुख्यमन्त्री पोखरेलले बताउनुभयो । तुलसीपुर उपमहागनरपालिका नगर प्रमुखु घनश्याम पाण्डेको अध्यक्षतामा भएको कार्यक्रममा डाक्टर मृगौला रोग विशेषज्ञ ऋषीराम काफले, आँखा रोग विशेषज्ञ सन्दुक रुइतले मृगौला, आँखाको रोगका विषयमा प्रकाश पार्नुभएको थियो । उपप्रमुख माया आचार्यको स्वागत मन्तव्यबाट सुरु भएको कार्यक्रमको सहजीकरण तुलसीपुर उपमहागनरपालिका स्वास्थ्य महाशाखा प्रमुख डाक्टर गोकर्ण दहालले गर्नुभएको थियो । कार्यक्रम हुनु पुर्व उपमहागनरपालिकाको कार्यालयबाट सुरु भएको ¥याली तुलसीपुर बजारका विभिन्न भाग परिक्रमा गर्दै तुलसीपुर उद्योगबाणिज्य संघको हलमा पुगेर कार्यक्रममा परिनत भएको थियो ।