तुलसीपुरमा जुवातास खेलिरहेको अवस्थामा चार जना पक्राउ

तुलसीपुर,१३ कात्तिक । दाङको तुलसीपुर उपमहानगरपालिका–६ मा रहेको एकान्त होटलमा  जुवातास खेलिरहेको अवस्थामा चार जना पक्राउ परेका छन् । बिहीबार राति इलाका प्रहरी कार्यालय तुलसीपुरबाट खटिएको प्रहरी टोलीले उनीहरूलाई पक्राउ गरेको हो । पक्राउ पर्नेमा सल्यानको कुमाख गाउँपालिका–५ निवासी २९ वर्षीय प्रजित पुनमगर,तुलसिराम केसी,सुबास ओलि र प्रबिन रावत रहेका छन् । प्रहरीले उनीहरूको साथबाट नगद १ लाख ५९ हजार ५६० रुपैयाँ र ६ बुक तास बरामद गरेको छ । घटनाबारे प्रहरीले थप अनुसन्धान गरिरहेको जनाएको छ ।