रुसी सेनामा भर्ती भएका एक युवकको मृत्यु

काठमाडौं, २ माघ ।  रुसी सेनामा भर्ती भएका लमजुङका एक युवकको मृत्यु भएको छ । लमजुङको दूधपोखरी गाउँपालिका–१ का ३२ वर्षीय साजन गुरुङको रुस–युक्रेन युद्धमा मृत्यु भएको वडाध्यक्ष दुर्गामान गुरुङले जानकारी दिनुभयो । रोजगारीका लागि रुसी सेनामा भर्ती हुन पुगेका गुरुङको मृत्यु भएको खबर पाँच दिन अघिमात्र परिवारलाई प्राप्त भएको उहाँले बताउनुभयो ।

मृतक गुरुङसँगै रुसी सेनामा पुगेका साथीहरुले र्मनीमा रहेका मृतकका भाइ कुमार गुरुङलाई मृत्युको खबर पठाएपछि परिवारले पुस २९ गते क्रियाकर्म समेत गरिसकेको उहाँले बताउनुभयो ।