जाजरकोट, १५ कार्तिक । जाजरकोटमा ट्याक्टर पल्टिदा सहलचालको ज्यान गएको छ ।
सल्यानको सल्लीबजारबाट जाजरकोटको कुशे गाउँपालिका जाँदै गरेको भे १ त ८३१४ ट्याक्टर छेडागाड नगरपालिका–१० धारामा पल्टिदा कुशे ६ का २४ वर्षका सहचालक रामबहादुर सिंहको ज्यान गएको जिल्ला प्रहरी कार्यालय जाजरकोटका प्रहरी प्रमुख किशोर श्रेष्ठले जानकारी दिए ।
डिजेल बोकेर जाँदै गरेको ट्याक्टर गएराति धारा भन्ने स्थानमा सडकबाट करिब डेढ सय मिटर तल खसेको छ । चालक भने फरार रहेका छन् । जाजरकोटमा पेट्रोलियम पर्दाथको डिपो नहुँदा सल्लीबजारबाट तेल ढुवानी गरिँदै आएको छ ।
प्रकाशित मिति : २०७७ कार्तिक १५ गते शनिवार
