तुलसीपुरको शितलपुर घाटमा युवक मृत फेला

दाङ ५ साउन । तुलसीपुरको शितलपुर घाट नजिकै एक युवक मृत फेला परेका छन् । मृतक तुलसीपुर उपमहानगरपालिका–१२ कचिला निवासी २१ वर्षीय किरण खत्री रहेको इलाका प्रहरी कार्यालय तुलसीपुरक प्रहरी निरीक्षक सूर्य रानाले जानकारी दिनुभयो ।

आइतबार साँझ शितलपुर घाटको छेउमा रहेको मलामी वृश्राम घरको प्राङ्गनमा युवकलाई मृत अवस्थामा देखेपछि स्थानीयले प्रहरीलाई खबर गरेका थिए । युवकको शवलाई पोष्टमार्टमका लगि राप्ती प्रादेशिक अस्पताल तुलसीपुरको शव गृहमा राखिएको छ । मृतक युवक साउन ३ गते दिउँसो १२ बजे घरबाट निस्किएका थिए । घटनाबारे प्रहरीले थप अनुसन्धान गरिरहेको जनाएको छ ।