तुलसीपुरमा भूँइमा लत्रिएको तारमा करेन्ट लाग्दा दुई जना घाइते

फाइल फाेटाे

तुलसीपुर, ६ असार । तुलसीपुर उपमहानगरपालिका–१० बनगाउँमा आज बिहान करिब ५ः३० बजे जमिनमा लत्रिएको बिद्युतको तारमा छुँइदा दुई जना घाइते भएका छन । घाइते हुनेमा तुलसीपुर उपमहानगरपालिका–११ बेलगनार निवासी रा १ प ७७७० नम्बरको मोटरसाइकल चालक ४८ वर्षका देसुराम चौधरी र तुलसीपुर–१० बनगाउँ निवासी साइकल यात्री ५२ वर्षीय चक्रपाणि अधिकारी रहेको तुलसीपुर प्रहरीले जनाएको छ ।

घाइते दुवैजनाको राप्ती प्रादेशिक अस्पताल तुलसीपुरमा उपचार भइरहेको इलाका प्रहरी कार्यालय तुलसीपुरका निमित्त प्रहरी प्रमुख सुर्य रानाले जानकारी दिनुभयो ।गाउँबाट तुलसीपुर बजारतर्फ आउँदै गर्दा चुँडिएर भूइमा लत्रिएको तारमा छुँइदा दुबैजनालाई करेन्ट लागेको थियो ।