जमेको पानीमा डुबेर ३ किशोरीको मृत्यु

काठमाडौं, २४ असार ।  कञ्चनपुरमा जमेको पानीमा डुबेर तीन जनाकोे मृत्यु भएको छ । पुनर्वास नगरपालिका–५ मा पानी जमेको ठाउँमा नुहाउने क्रममा पुनर्वास नगरपालिका–५ की १५ वर्षीया सिर्जना बोगटी, १६ वर्षीया लक्ष्मी बोगटी र १६ वर्षीया आरती बोगटीको मृत्यु भएको प्रहरीले जनाएको छ । यसैबिच, कैलाली र कञ्चनपुरका विभिन्न ठाउँमा डुबानमा परेकालाई सशस्त्र प्रहरीले सुरक्षित स्थानमा सारेको छ ।।