दाङमा बसको ठक्करबाट साइकल यात्रीको मृत्यु

तुलसीपुर, २८ फागुन ।  दाङमा बसको ठक्कर बाट एक जना साइकल यात्रीको मृत्यु भएको छ । मृत्यु हुनेमा लमही नगरपालिका–४ निवासी ४० बर्षिय हरिप्रसाद पौडेल रहेको जिल्ला प्रहरी कार्यालय दाङले जनाएको छ । प्रहरीका अनुसार बुटवलबाट नेपालगञ्ज जाँदै गरेको भे १ ख ३९९८ नम्बरको बसले आज लमही नगरपादिलका–३ वनगाउँ नजिकै ठक्कर दिदा गम्भिर घाइते भएका उनको उपचारको क्रममा मृत्यु भएको हो । ठक्कर दिने बस र चालकलाई प्रहरीले नियन्त्रणमा लिएर घटनाबारे अनुसन्धान गरिरहेको प्रहरीले जनाएको छ ।।