बस दुर्घटना हुदा १० जनाको मृत्यु, ३० जना घाइते

कपिलवस्तु, ३ फागुन ।  कपिलवस्तुमा बस दुर्घटना हुँदा १० जनाको मृत्यु भएको छ भने कम्तीमा ३० जना घाइते भएका छन् । मृतकहरूको सनाखत भइनसकेको जिल्ला प्रहरी कार्यालय कपिलवस्तुका प्रहरी उपरीक्षक नवरत्न पौडेलले जानकारी दिनुभयो । उहाँका अनुसार कञ्चनपुरको महेन्द्रनगरबाट काठमाडौं जादै गरेको सुनौलो महाकाली यातायातको सु– प – प्र–०२–००१ ख ००९८ नम्बरको बस शिवराज नगरपालिका–१ सुरही पुलनजिकैबाटोबाट २०० मिटर तल खसेर दुर्घटना भएको हो ।

घाइतेमध्ये ९ जनालाई उपचारका लागि बुटवल रिफर लगिएको छ । अन्य घाइतेको उपचार सञ्जीवनी र आधारभूत अस्पतालमा भइरहेको प्रहरीले जनाएको छ ।