काठमाडौं, १ माघ । दोलखामा सुक्खा पहिरोले पुरिदा एक जनाको मृत्यु भएको छ भने दुई जना घाइते भएका छन् । मृत्यु हुनेमा विगु गाउँपालिका–१ का २२ वर्षीय कुसङ तामाङ रहेको जिल्ला प्रहरी कार्यालय दोलखाले जनाएको छ । त्यस्तै विगु गाउँपालिकाकै २८ वर्षीय दिल कुमार तामाङ र ५८ वर्षीय रस्थाङ तामाङ घाइते भएका छन् ।
मृतक र घाइते तीनै जना नासा हाइड्रोपावरका मजदुर रहेका छन् । आज सोमबार दिउँसो पौने ३ बजे विगु गाउँपालिका–१ देउरालीमा नासा हाइड्रोपावरका ३५ जना कामदारले काम गरिरहेका बेला माथिबाट सुक्खा पहिरो खसेको जिल्ला प्रहरी कार्यालय दोलखा सञ्चार शाखाले जनाएको छ ।
प्रकाशित मिति : २०८० माघ १ गते सोमवार
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।