दाङको शान्तिनगरमा खोलामा डुबेर एक बालकको मृत्यु

तुलसीपुर, २७ श्रावन ।  दाङको शान्तिनगरमा खोलामा डुबेर एक बालकको मृत्यु भएको छ । मृत्यु हुनेमा शान्तिनगर गाउँपालिका–२ बिष्णुपुर निवासी ११ बर्षीय अनिष विष्ट रहेको प्रहरीले जनाएको छ । प्रहरीका अनुसार बौलाह खोलामा साथीहरूसंग नुहाउन गएको अवस्थामा शनिवार दिउँसो साढे २ बजेतिर सोही खोलामा डुबेर बालकको मृत्यु भएको हो ।

खोलामा डुबेर बगेका बालकको शव शान्तिनगर–५ रगैजास्थित सिचाईबाँधमा फेला परेको इलाका प्रहरी कार्यालय खिलतपुरका प्रमुख (इन्स्पेक्टर) अजयजंग थापाले जानकारी दिनुभएको छ ।।