तुलसीपुर,८ साउन ।
घरमै लुकाईछिपाई राखेको अवस्थामा प्रहरीले सालको काठ बरामद गरेको छ । तुलसीपुर उपमहानगरपालिका वडा नं. १ वयाला स्थित डिल्लीराज पाण्डेको घरमा लुकाई राखीएको ६३.४८ क्युफिट सालको काठ बरामद गरीएको ईलाका प्रहरी कार्यालय तुलसीपुरले जनाएको छ ।
पाण्डेको घरमा अवैध काठ राखीएको छ भन्ने विशेष सुचनाका आधारमा आज खटि गएको प्रहरी टोलीले उक्त काठ बरामद गरेको हो । पाण्डेको घरमा रित पुर्वक खानतलासी गर्दा घरको भुईतला र माथिल्नो तलमा लुकाई राखेको विभिन्न साईजका ५३ थान काठ फेला परेको ईलाका प्रहरी कार्यालय तुलसीपुरका डिएसपि लोकनाथ तिम्सिनाले जानकारी दिनु भएको छ ।
आबश्यक कारवाहीका लागी जिल्ला वन कार्यालयमा पठाइएको डिसएपि तिम्सिनाले जानकारी दिनु भएको छ ।
प्रकाशित मिति : २०७४ साउन ८ गते आइतवार
