सल्यानका युवकलाई तुलसीपुरमा खुकुरी हान्ने तीनजना पक्राउ

तुलसीपुर, १९ असोज / गएराति खुकुरी प्रहारमा संलग्न रहेको आरोपमा ३ जना पक्राउ परेका छन् । पक्राउ पर्नेमा तुलसीपुर उपमहानगरपालिका–६ बरुवागाउँ निबासी १४ बर्षका दिपेश चौधरी, १५ बर्षका संदिप सुनार र १९ बर्षका शिव प्रसाद चौधरी रहेको ईलाका प्रहरी कार्यालय तुलसीपुरका डिएसपी शिव बहादुर सिंहले जानकारी दिए ।

उनिहरुलाई राति ३ बजे पक्राउ गरेको प्रहरीले जानकारी दिएको छ । मोटरसाईकलमा आएका ती युवाहरुले गएराति करिब ८ बजे सल्यानको बागचौर नगरपालिका–७ टाट्के निबासी १८ बर्षका डण्डबीर खड्कालाई खुकुरी प्रहार गरेका थिए ।

घाईते खड्काको कोहलपुरमा उपचार भईरहेको छ । मदिरा सेवन गरेर आएका ती युवाले सामान्य विवादका कारण खुकुरी प्रहार गरेको प्रहरीले बताएको छ ।