सुजित कुमार झा
जनकपुरधाम, ३१ बैशाख । एक महिलालाई जबरजस्ती करणी गरेको आरोपमा जनकपुरधामका एक चिकित्सकलाई प्रहरीले पक्राउ गरेको छ । पक्राउ पर्नेमा प्रादेशिक अस्पताल जनकपुरधामका एक चिकित्सक रहेका छन् ।
प्रादेशिक अस्पताल जनकपुरका फिजियो थेरापी डा. राजेश मण्डललाई नियन्त्रणमा लिएको जिल्ला प्रहरी कार्यालय धनुषाका प्रहरी नायव उपरीक्षक रामेश्वर कार्कीले जानकारी दिएका छन ।
आफूलाई पटक–पटक जबरजस्ती करणी गरेको झापा घर भएकी एक २८ वर्षीया महिलले वैशाख २७ गते जिल्ला प्रहरी कार्यालय धनुषामा उजुरी दिएपछि उनलाई पक्राउ गरेको प्रहरी नायब उपरीक्षक कार्कीले बताए ।
डा. मण्डलले विभिन्न समयमा अस्पताल बाहिर विभिन्न स्थानमा लागेर आफूलाई बलात्कार गरेको महिलाले निवेदनमा उल्लेख गरेको प्रहरीको भनाइ छ ।
प्रकाशित मिति : २०७७ बैशाख ३१ गते बुधवार
