बझाङ , १७ बैशाख
बझाङमा अपहरण गरिएको २२ घन्टापछि एक किशोरीको आफन्तले उद्धार गरेका छन । विहे गर्न दबाब दिदै छबिसपाथीभेरा गाउँपालिका निबासी १५ वर्षिया किशोरीको हातखुट्टा र मुख बाँधेर अपहरण गरिएको थियो ।
अपहरणमा संलग्न रहेका छबिसपाथिभेरा गाउँपालिका ७ का विकास धामी, दीपेन्द्र धामी, प्रकाश धामी, निराजन धामी, संसार धामी र आशिक धामी फरार रहेको र उनिहरुको खोजीकार्य तिब्र बनाइएको जिल्ला प्रहरी कार्यालय का प्रहरी नायब उपरीक्षक गणेस बमले जानकारी दिए । उनिहरु विरुद्ध अपहरण तथा शरीर बन्धकको कसुरसम्बन्धी मुद्दा दर्ता गरिएको छ ।
मानसीक अवस्थामा विछिप्त रहेकी उनी महिला सुरक्षित आवासगृहको आश्रयमा बसिरहेकी छन् । छिमेकी दिदी नाता पर्ने गीता धामी र उनका श्रीमान् प्रकाश धामीको योजनामा आफू अपहरणमा परेको पीडितको भनाइ छ।
महिनावारी भएको बहाना गरेर घरमा खाना पकाइदिन बोलाएकी गीताले श्रीमान् र अरुको सहयोगमा अपहरण गराएकी थिइन्। उनीहरुले काकाको छोरा सागर धामीसँग विवाह गर्ने योजना बनाएको किशोरीले बताइन्।
