तुलसीपुरकाे हरीपौरीमा वृद्ध मृत फेला

तुलसीपुर, ७ बैशाख तुलसीपुर –१२ हरीपाैरीमा एक वृद्ध मृत अवस्थामा फेला परेका छन् । घरबाट शुक्रबार निस्केका सोही ठाउँका मंगलबहादुर चौधरी हरीपाैरीको खेतमा मृत अवस्थामा फेला परेको ईलाका प्रहरी कार्यालय तुलसीपुरका प्रहरी निरीक्षक चक्र डम्बरपालले जानकारी दिए । मृतकको शव स्थानीयले देखेपछि प्रहरीलाई खबर गरेका थिए । चौधरीको शव पोष्ट मार्टमका लागि राप्ती प्रादेशिक अस्पताल तुलसीपुरमा राखिएको छ ।