काठमाडौ, ११ जेठ । माल्दिभ्सलाई हराउँदै नेपाल काभा महिला भलिबल च्याम्पियनशिपको सेमिफाइनलमा प्रवेश गरेको छ । समूह ए को आफ्नो अन्तिम खेलमा हिजो नेपालले माल्दिभ्सलाई ३–० को सोझो सेटमा हरायो ।
त्रिपुरेश्वरको दशरथ रङ्गशाला कभर्डहलमा भएको खेलमा नेपालले पहिलो सेट २५–१२, दोस्रो सेट २५–९ र तेस्रो सेट २५–२० ले जित्यो । यसअघि नेपाल पहिलो खेलमा भारतसँग ३–२ को सेटमा पराजित भए पनि दोस्रो खेलमा किर्गिस्तानलाई सोझो सेटमा हराएको थियो ।
आज भारत र किर्गिस्तानबीचको खेलपछि यस समूहबाट सेमिफाइनल पुग्ने अर्को टोलीको टुङ्गो लाग्नेछ । यस्तै समूह ‘बी’ बाट काजकिस्तान र इरान लगातार दोस्रो जीतसहित सेमिफाइनलमा प्रवेश गरिसकेका छन् ।
प्रकाशित मिति : २०८३ जेष्ठ ११ गते सोमवार
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।