बसमा आगो लाग्दा १० जनाको मृत्यु

काठमाडौँ, ७ कात्तिक ।  भारतको हैदराबादमा बसमा आगो लाग्दा १० जनाको मृत्यु भएको छ । हैदराबादबाट बेंगलुरुका लागि छुटेको बसमा टेकरू गाउँ नजिकै बिहान आगो लागेको थियो । घटनामा कम्तिमा १० जनाको मृत्यु भएको र केही यात्रु गम्भीर घाइते भएको उद्दारकर्तालाई उद्धृत गरी भारतीय सञ्चार माध्यमले जनाएका छन् ।

बसमा ४२ जना सवार रहेको बुझिएको छ । आगोले बस जलेर क्षतिग्रस्त भएको छ । एउटा मोटरसाइकल बससँग ठोक्किएपछि आगो लागेको प्रहरीको प्रारम्भिक अनुमान छ ।।