रोल्पा, ६ जेठ । रोल्पामा ट्याक्टर दुर्घटनामा परी एक महिलाको मृत्यु भएको छ । मृत्यु हुनेमा लुङ्ग्री गाउँपालिका–६ घर भई अहिले रोल्पा नगरपालिका–१ मेबाङमा बस्दै आएकी ४३ वार्षिय रुपसरी बिष्ट रहेको जिल्ला प्रहरी कार्यालय रोल्पाले जानकारी दिएको छ ।
प्रहरीका अनुसार पानीको ट्याङ्की बोकेर उकालोमा चढ्ने क्रममा रोल्पा नगरपालिका–४ खाद्यटोल लिबाङमा गएराती ८ बजेको समयमा लु ३ त ३४०२ नम्बरको ट्याक्टर अनियन्त्रित भएर दुर्घटना भएको हो । दुर्घटनामा परी विष्टको घटनास्थलमै मृत्यु भएको हो भने चालक सकुशल रहेको प्रहरीले जनाएको छ । चालकलाई नियन्त्रणमा लिएर दुर्घटनाको बारेमा अनुसन्धान भइरहेको प्रहरीले जनाएको छ ।।
प्रकाशित मिति : २०८१ जेष्ठ ६ गते आइतवार
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।