ट्र्याक्टर दुर्घटना हुँदा दुई जनाको मृत्यु, दुई जना घाइते

काठमाण्डौ, २३ बैशाख ।  डडेलधुरामा गए राति ट्र्याक्टर दुर्घटना हुँदा दुई जनाको मृत्यु भएको छ । मृत्यु हुनेमा धादिङको गजुरी गाउँपालिका–७ का ४० वर्षीय चालक धिरज थापामगर र बेनीघाट रोराङ गाउँपालिकाका–२७ वर्षीय विष्णु विक रहेको जिल्ला प्रहरी कार्यालय डडेलधुराका सूचना अधिकारी कुसुम नायकले जानकारी दिनुभयो ।

उहाँका अनुसार नवदुर्गा गाउँपालिका–४ सिरोडको भित्री सडकमा बाग्मती प्रदेश ०१–००१ क ९६५१ नम्बरको ट्र्याक्टर दुर्घटना हुँदा घाइते भएका चार जनामध्ये चालक थापामगर र अर्का विकको उपचारका क्रममा डडेलधुरा अस्पतालमा ज्यान गएको हो । दुर्घटनामा घाइते भएका बेनीघाट रोराङका ३१ वर्षीय सुदीप बिक र डडेलधुराको नवदुर्गा गाउँपालिका–४ का २८ वर्षीय हिक्मत बिकको डडेलधुरा अस्पतालमा उपचार भइरहेको छ ।।