जीपको ठक्करबाट मोटरसाइकलमा सवार तीन जनाको मृत्यु

झापा, १२ बैशाख ।  झापामा जीपको ठक्करबाट मोटरसाइकलमा सवार तीन जनाको मृत्यु भएको छ । पूर्वपश्चिम राजमार्गअन्तर्गत दमकबाट सुरुङ्गातर्फ जाँदै गरेको मे ३ प ५००१ नम्बरको मोटरसाइकललाई विपरीत दिशाबाट आउँदै गरेको प्र.१–०१–००१ च ९३२९ नम्बरको जीपले ठक्कर दिदा मोटरसाइकलमा सवार रहेका तीनै जनाको मृत्यु भएको जिल्ला प्रहरी कार्यालय झापाले जानकारी दिएको छ ।

उनीहरूको उपचारका क्रममा मृत्यु भएको हो । जीप चालकलाई इलाका प्रहरी कार्यालयले नियन्त्रणमा लिएर आवश्यक अनुसन्धान थालेको छ भने मृतकको सनाखत हुन बाँकी छ ।।