काठमाडौं, ३० चैत । भारतको उत्तरी राज्य हरियाणामा स्कुल बस दुर्घटना हुँदा कम्तीमा छ जना बालबालिकाको ज्यान गएको छ । दुर्घटनामा २० जनाभन्दा धेरै विद्यार्थी घाइते भएका प्रहरीले जनाएको छ । जी.एल पब्लिक स्कुलका झन्डै ४० जना विद्यार्थी बोकेको बस कानिना क्षेत्रमा दुर्घटना भएको हो ।
चालकले मादक पदार्थ सेवन गरेर तीव्र गतिमा चलाएका कारण बस दुर्घटना भएको प्रारम्भिक अनुसन्धानबाट खुलेको छ । हरियाणा राज्यका मुख्यमन्त्री नायब सिंह सैनीले दुर्घटनामा दुःख व्यक्त गर्नुभएको भारतीय सञ्चारमाध्यमले जनाएका छन् ।।
प्रकाशित मिति : २०८० चैत्र ३० गते शुक्रवार
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।