दाङ, २७ चैत । दाङको तुलसीपुरबाट काठमाण्डौका लागि छुटेको रात्रीबसले मोटरसाइकललाई ठक्कर दिदा एक जनाको ज्यान गएको छ । ज्यान जानेमा मोटरसाइकल चालक घोराही उपमहानगरपालिका १७ निवासी २३ वर्षका सौगात ओली रहेको जिल्ला प्रहरी कार्यालय दाङले जनाएको छ ।
त्यसैगरी मोटरसाइकलमा पछाडी सवार रहनुभएका तुलसीपुर उपमहानगरपालिका ११ निवासी ३५ वर्षका शरद लामिछाने गम्भिर घाइते भएको जिल्ला प्रहरी कार्यालय दाङका प्रहरी उपरीक्षक रामबहादुर केसीले जानकारी दिनुभयो । ना ६ ख १४८६ नम्बरको रात्रीबसले गोग्ली नजिकै लु ४१ प ८०९२ न को मोटरसाइकललाई गएराति ठक्कर दिएको थियो ।
प्रकाशित मिति : २०८० चैत्र २८ गते बुधवार
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।