इन्टरनेटमा २५ प्रतिशत छुट दिन प्राधिकरणको निर्देशन

काठमान्डाै ,  १९ चैत्र 

मन्त्रिपरिषद्को निर्णय अनुसार लकडाउन अवधिभरको लागि इन्टरनेट शुल्कमा २५ प्रतिशत छुट दिन नेपाल दूरसञ्चार प्राधिकरणले सेवा प्रदायकलाई निर्देशन दिएको छ ।

प्राधिकरणले मंगलबार सूचना जारी गर्दै सेवा प्रदायकलाई निर्णय पालना गर्न निर्देशन दिइएको जानकारी गराएको छ ।

आइतबार राति बसेको मन्त्रिपरिषद् बैठकले लकडाउन अवधिभरको लागि इन्टरनेट शुल्कमा २५ प्रतिशत छुट दिन सेवा प्रदायकहरुलाई निर्देशन दिने निर्णय गरेको थियो ।

सोही निर्णय कार्यान्वयन गराउन प्राधिकरणले सेवा प्रदायकहरुलाई निर्देशन दिएको हो ।

प्रकाशित मिति : २०७६ चैत्र १९ गते बुधवार
प्रतिक्रिया