पर्यटकीय रुपमा व्यवस्थित गर्न नसक्दा दाङको सितलपुर शिवमन्दिर ओझेलमा

दाङको तुलसीपुर उपमहानगरपालिका वडा नंबर १२ को सितलपुर स्थित शिव मन्दिरलाई व्यवस्थित गर्न नसक्दा पर्यटकीय क्षेत्रको रुपमा विकास गर्न समस्या भइरहेको छ ।बबइ नदी, सितलपुर र बखरिया जोड्ने मोटरेबल पुल, शिव मन्दिर, मन्दिर परिसरको सामुदायिक वनको हरियाली, बखरियाका कृषकहरुले खेती गरेको व्यवसायिक कृषि खेती लगायतका दृश्यले सबैको मन लोभ्याउने गर्दछ । तरपनि मन्दिरलाई व्यस्थापन गर्न नसक्दा व्यवसायिक रुपमा पर्यटकीय क्षेत्रको रुपमा विकास गर्न सकिएको छैन ।   जसले गर्दा आन्तरिक तथा बाह्य पर्यटकलाई भित्र्याउन सकिएको छैन । पर्यटकको आकर्षणको केन्द्र बनाउन नसक्दा आर्थिक, सामाजिक र पर्यटकीय हिसावले ओझेलमा पर्दै गएको छ ।यसलाई कसरी हुन्छ व्यवस्थित गर्ने योजनामा वडा सरकार लागि परेको जानकारी दिनुभयो ।   यस्तै सितलपुर घाटमा रहेको शवदाह गृहलाई पनि व्यस्थितगर्न नसक्दा मलामीहरुलाई समस्या हुने गरेको छ । तुलसीपुर उपमहानगरपालिकाको वडा नंबर ५,६,१०,११,१२,१३ लगायत विभिन्न स्थानका नागरिकहरु शवको अन्त्यष्टिका लागि सो स्थानमा जाने गर्दछन् । शवदाह गृह व्यवस्थित हुन नसक्दा भने वर्षातको समयमा नागरिकले समस्या भोग्नु पर्ने बाध्यता रहेको छ । वडाअध्यक्ष खुशीराम चौधरी आफैलाई पनि शवदाह गृह व्यवस्थित हुन नसकेको महशुस भैरहेको बताउनु भयो । व्यवस्थापन गर्ने सोच रहेको भन्दै उहाँले वडाको तर्फबाट योजना बनाइरहेको बताउनु भयो । व्यवस्थापनका लागि केही समस्या भैरहेको भएपनि यो चालु आर्थिक वर्ष २०८२र०८३ मा शवदाह गृहलाई जसरी भएपनि व्यवस्थित बनाउनु पर्ने बताउनु भयो ।।